Lees die webwerf in: English | Afrikaans

Louw Venter (Jimmy Bester)

Louw Venter (Jimmy Bester)


Louw Venter is ’n Suid-Afrikaanse akteur, skrywer en komediant wat seker die bekendste is vir sy rol as Corné in die televisiekomediereeks, The Most Amazing Show. Louw en sy kreatiewe vennoot Rob van Vuuren, wat Twakkie speel, is ook die reeks se skeppers en skrywers.

Louw was ook onlangs in die lokettreffer, Semi-Soet, in John Boorman se In My Country saam met Juliette Binoche, teenoor Christopher Lambert in The Piano Player en in die Suid-Afrikaanse rolprente Crazy Monkey’s Straight Outta Benoni, Bunny Chow en Rainbow Skellums.

Louw het al sy hand aan ’n magdom professies gewaag, wat kopieskrywer, grafiese ontwerper, illustreerder en uiteindelik akteur en skrywer insluit. Hy was tot onlangs die hoofskrywer van en het die hoofrol gespeel in Rugby Motors, Suid-Afrika se eerste “mockumentary”-styl sitkom, wat in opdrag van DSTV se Afrikaanse taalkanaal, KykNET, gemaak is.

 

Jimmy in Pienk is ’n spitsvondige komedie oor Jimmy Bester, ’n stoere sewende-generasie-mielieboer wat uiting gee aan sy kreatiewe kant deur skape op naburige plase te skeer – iets wat hy vir sy pa wegsteek omdat sy pa glo dat “mans nie kreatief is nie”.

Wanneer Jimmy se pa onverwags in ’n fratsongeluk sterf, word hy deur twee dreigende (en komiese) leningsuitbuiters (loan sharks) gekonfronteer, wat die geld wat sy pa hulle skuld, kom invorder.

Vir die eerste maal in sy lewe skraap Jimmy genoeg moed bymekaar om sy tuisdorp te verlaat en na Kaapstad te reis om sy oom se hulp te vra om die kuns van haarkappery te bemeester – en in die proses word hy ook ’n regte metroseksuele man.

Lees volledige sinopsis
Kunsregisseur
Regisseur van fotografie
Vervaardig deur
Geregisseer deur
Genre
Romantic Comedy
Beperkings
7 - 9 PG
Speeltyd
91 min
Taal
Engels en Afrikaans
Sub-titels
Engels